រហូតមកដល់ឆ្នាំ២០១៨ ពុំមានមូលនិធិពីម្ចាស់ជំនួយ ដើម្បីជួយដល់ការចែកចាយផលិតផលនៅកម្ពុជា។ ទោះជាយ៉ាងណាក៏ដោយ PSI នៅតែបន្តការតាំងចិត្តក្នុងការបំពេញតម្រូវការ សម្រាប់ប្រជាជនងាយរងគ្រោះនិងប្រជាជនមានចំណូលទាប។ ដើម្បីឆ្លើយតបនឹងនិន្នាការផ្លាស់ប្តូររបស់ម្ចាស់ជំនួយនិងការអភិវឌ្ឍន៍សេដ្ឋកិច្ចថ្មីៗនេះ PSI ចាប់ផ្តើមផ្តោតទៅលើឥទ្ធិពលទីផ្សារ និង អនុវត្តដំណោះស្រាយ ដែលតំរង់ទៅកាន់មុខងារ និងចីរភាពនៃទីផ្សារទាំងមូល ដែលនាំអោយមានដាក់អោយមានផលិតផលដែលមានតម្លៃខ្ពស់ជាងមុន ដើម្បីជួយរក្សាផលិតផលដែលមានរក្សារទុកតម្លៃទាបនិងមានការផ្លាស់ប្តូរតំលៃដើម្បីទាញយកអនុភាពនៃអំណាចនៃការទិញរបស់អតិថិជន តាមតែអាចធ្វើបាន ព្រមទាំងការគាំទ្រជាប្រព័ន្ធដល់វិស័យឯកជន សម្រាប់ការចែកចាយនិងផ្តល់អោយនូវផលិតផលសុខភាពនិងការសហការយ៉ាងស្និទ្ធស្នាលជាមួយវិស័យសាធារណៈ ដើម្បីធ្វើអោយប្រាកដបានថាតម្រូវការរយៈពេលយូរផ្នែកផលិតផលសុខភាព ត្រូវបានយល់ដឹងក្នុងទីផ្សារ។ នេះក៏ជាការគាំទ្រដល់ផែនការយុទ្ធសាស្ត្ររបស់ក្រសួងសុខាភិបាលក្នុងការធ្វើអោយសុខភាពនិងសុខុមាលភាព របស់ប្រជាជនកាន់តែប្រសើរឡើង។
ទីផ្សារសង្គម គឺជាវិធីដ៏មានប្រសិទ្ធិភាពមួយ ក្នុងការលើកទឹកចិត្តអោយប្រជាជនដែលមានប្រាក់ចំណូលទាប និងងាយរងគ្រោះ ចាប់ឥរិយាបថប្រកបដោយសុខុមាលភាព ដោយរួមទាំងការប្រើប្រាស់ផលិតផលនិងសេវាកម្មសុខភាពដែលចាំបាច់។
PSI គឺជាអង្គការទីផ្សារសង្គមនាំមុខគេក្នុងពិភពលោក ក្នុងផ្នែកជំងឺអេដស៍ ពន្យារកំណើត និងសុខភាពមាតានិងទារក។ PSI/កម្ពុជា ខិតខំប្រឹងប្រែងក្នុងការលើកកម្ពស់សុខភាពប្រជាជនកម្ពុជា តាមរយៈដំណោះស្រាយដែលជំរុញដោយទីផ្សារ ដែលមានតម្លៃសមស្រប។ ផលិតផលរបស់រួមមាន ស្រោមអនាម័យ ផលិតផលពន្យារកំណើត ឱសថរំលូតស្របច្បាប់ និងផលិតផលបំពេញជាតិទឹក។
PSI/កម្ពុជា ធ្វើយុទ្ធនាការទូទាំងប្រទេស តាមរយៈប្រព័ន្ធផ្សព្វផ្សាយ និងបណ្តាញសង្គម ដើម្បីផ្សព្វផ្សាយអំពីផលិតផល ដែលយើងមាន។ ក្រៅពីនោះ PSI/កម្ពុជាក៏ធ្វើសកម្មភាព “ប្រាស្រ័យទាក់ទងដើម្បីផ្លាស់ប្តូរឥរិយាបថអ្នកផ្តល់សេវាសុខភាព (PBCC)” ផងដែរ ដែលកិច្ចការនេះមានតួនាទីយ៉ាងសំខាន់ក្នុងការបង្កើនគុណភាពនៃការផ្តល់ប្រឹក្សារបស់អ្នកផ្តល់សេវាសុខភាព ក៏ដូចជាការប្រើប្រាស់ផលិតផលដែលមានសុវត្ថិភាព និងគុណភាពរបស់អង្គការ PSI ឱ្យបានត្រឹមត្រូវ។ ដើម្បីឆ្លើយតបនឹងការរីកចម្រើនខាងវិស័យបច្ចេកវិទ្យាសម័យទំនើប PSI ក៏បានប្រើប្រាស់ app តាមថេបប្លិត (tablet) ដើម្បីបញ្ជូនរបាយការណ៍បានត្រឹមត្រូវ និងឆាប់រហ័ស។
