ការប្រើ concept ល្បុក្កតោ ដើម្បីកាត់បន្ថយការឆ្លងកូវីដ-១៩
អត្ថបទនេះត្រូវបានចុះផ្សាយដំបូង នៅវែបសាយរបស់ ក្រុមហ៊ុន Meta ។
អង្គការអន្តរជាតិបំរើសុខភាពប្រជាជ (PSI) បានធ្វើយុទ្ធនាការដោយជ្រើសរើសយកជំរើស Reach នៅលើទំព័រហ្វេសប៊ុករបស់ខ្លួន ដើម្បីលើកទឹកចិត្តដល់ប្រជាជន ក្នុងការប្រយុទ្ធប្រឆាំងនឹងជំងឺកូវីដ-១៩ ដោយប្រើប្រាស់ concept ល្បុក្កតោដែលជាក្បាច់គុនបុរាណខ្មែរ។ ការរើសយក concept ល្បុក្កតោ គឺដើម្បីបង្ហាញថាការប្រយុទ្ធនឹងជំងឺកូវីដ-១៩ ជាការប្រយុទ្ធដែលអាចយកជ័យជំនះបាន ដោយប្រកាន់ខ្ជាប់នូវវិធានការសុវត្ថិភាពត្រូវត្រូវ។ គុនខ្មែរ ឬគុនល្បុក្កតោ គឺជាក្បាច់គុនខ្មែរ ដែលមានតួនាទីយ៉ាងសំខាន់ ក្នុងការការពារអណាចក្រខ្មែរ។
យុទ្ធនាការនេះដែលមានវីដេអូចំនួន២ កំណត់យកក្រុមគោលដៅអាយុ ១៨-៦៥ ឆ្នាំ និងធ្វើឡើងលើទំព័របណ្តាញសង្គម Facebook និង Instagram ។
នៅចុងបញ្ចប់ យុទ្ធនាការបានទៅដល់ (reach) ប្រជាជនប្រមាណ ៦,៤ លាននាក់ និងបង្ហាញឱ្យឃើញនូវសារៈសំខាន់នៃការប្រយុទ្ធនឹងជំងឺកូវីដ-១៩ និងការលាងដៃ។ ការធ្វើតេស្ត Brand Lift បានបង្ហាញថាយុទ្ធនាការនេះបានបង្កើនយ៉ាងជោគជ័យ (២,៥ ពិន្ទុ) នូវជំនឿទៅលើការលាងដៃ ជាវិធីដ៏សំខាន់ក្នុងការកាត់បន្ថយការរីករាលដាលនៃជំងឺកូវីដ-១៩ ។
ការបង្កើតវីដេអូសម្រាប់យុទ្ធនាការនេះ ត្រូវបានឧបត្ថម្ភដោយទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) និងការ boost ត្រូវបានឧបត្ថម្ភដោយក្រុមហ៊ុន Meta ។
