អង្គការអន្តរជាតិបំរើសុខភាពប្រជាជន (PSI) កំពុងអនុវត្តគម្រោង “ជំងឺទឹកនោមផ្អែមលើកុមារ (CDiC)” ដោយទទួលថវិកាពី Novo Nordisk និងសហការយ៉ាងជិតស្និទ្ធជាមួយនាយកដ្ឋានការពារសុខភាព (PMD) នៃក្រសួងសុខាភិបាល និងមន្ទីរពេទ្យចំនួន១៤នៅកម្ពុជា ។
គោលបំណងរបស់គម្រោងនេះ គឺដើម្បីលើកកម្ពស់ការថែទាំសុខភាពដល់កុមារនិងយុវវ័យ ដែលមានជំងឺទឹកនោមផ្អែមប្រភេទ១ ដោយក្នុងនោះគម្រោងបានផ្តល់នូវឱសថនិងសម្ភារៈចាំបាច់ផ្សេងៗ ដល់អ្នកជំងឺជាកុមារ ដល់អាយុ២៥ឆ្នាំ ។
ទីតាំងគម្រោង
សកម្មភាពរបស់គម្រោងធ្វើឡើងនៅក្នុងក្របខ័ណ្ឌជាតិ និងស្របទៅតាមអាទិភាព ដែលបានកំណត់ដោយក្រសួងសុខាភិបាល នៅក្នុងខេត្ត/ក្រុងដូចតទៅ៖ ១) ភ្នំពេញ ២) កំពត ៣) សៀមរាប ៤) ព្រៃវែង ៥) កំពង់ចាម ៦) បាត់ដំបង ៧) ឧត្ដរមានជ័យ ៨) ពោធិសាត់ ៩) តាកែវ ១០) បន្ទាយមានជ័យ និង ១១) ត្បូងឃ្មុំ ។
សកម្មភាពគម្រោង
ការអប់រំស្តីពីជំងឺទឹកនោមផ្អែមប្រភេទ១៖
គម្រោងបានជួយដល់សកម្មភាពអប់រំអ្នកជំងឺនៅមន្ទីរពេទ្យ និងសហគមន៍ ហើយធានាថាមន្ត្រីអប់រំសុខភាព មានសម្ភារៈនិងធនធានគ្រប់គ្រាន់ សម្រាប់ធ្វើការអប់រំសុខភាពដល់អ្នកជំងឺនិងគ្រួសាររបស់គាត់។
ជួយឱ្យសេវាសុខភាពបានកាន់តែទៅជិតអ្នកជំងឺ៖
គម្រោងជួយដល់ការផ្គត់ផ្គង់សម្ភារៈដល់គ្លីនិកទឹកនោមផ្អែមនៅតាមមន្ទីរពេទ្យដៃគូ ។
ការពង្រឹងសមត្ថភាពវិជ្ជាជីវៈថែទាំសុខភាព៖
គម្រោងនេះសហការជាមួយ PMD ដើម្បីផ្តល់វគ្គបណ្តុះបណ្តាលបន្ថែមស្តីពីការគ្រប់គ្រងជំងឺទឹកនោមផ្អែម ដល់វេជ្ជបណ្ឌិតនិងគិលានុបដ្ឋាយិកា។
ផ្គត់ផ្គង់អាំងស៊ុយលីន និងសម្ភារៈផ្សេងៗដល់អ្នកជំងឺ៖
គម្រោងបានបរិច្ចាគអាំងស៊ុយលីន និងសម្ភារៈចាំបាច់ដល់កុមារដែលមានជំងឺទឹកនោមផ្អែមប្រភេទ១ នៅមន្ទីរពេទ្យដៃគូទាំង ១៤ ។
សម្ភារៈអប់រំសុខភាព
សៀវភៅសម្រាប់អ្នកជំងឺ
ផ្ទាំងរូបភាពសម្រាប់គ្រូពេទ្យសន្ទនាជាមួយអ្នកជំងឺ
គោលការណ៍ណែនាំសម្រាប់គិលានុបដ្ឋាក
វីដេអូ: សម្លាញ់របស់បេទី
សៀវភៅសម្រាប់ដាក់តាមខ្លួន៖ ការគ្រប់គ្រងទឹកនោមផ្អែមប្រភេទ១
ផ្ទាំងរូបភាព៖ ការចាក់អាំងស៊ុយលីន
ផ្ទាំងរូបភាព៖ កន្លែងត្រូវចាក់អាំងស៊ុយលីន
ផ្ទាំងរូបភាព៖ សញ្ញាសង្ស័យ
ផ្ទាំងរូបភាព៖ ពីរ៉ាមីតអាហារ
ខិត្តប័ណ្ណ៖ ការតាមដានកំរិតជាតិស្ករក្នុងឈាម
ខិត្តប័ណ្ណ៖ ពេលកុមារទឹកនោមផ្អែមឈឺ
ខិត្តប័ណ្ណ៖ ការព្យាបាលដោយអាំងស៊ុយលីន
ខិត្តប័ណ្ណ៖ ការស្រាវជ្រាវ និងកង្វះជាតិស្ករក្នុងឈាម
សៀវភៅបណ្តុះបណ្តាលសម្រាប់គ្រូពេទ្យ
ព័ត៌មានថ្មីៗ
ដៃគូរបស់គម្រោង
