គម្រោងទឹកនោមផ្អែមលើកុមារ (CDiC) ជំហានទី២
May 22, 2023
1348
អង្គការអន្តរជាតិបំរើសុខភាពប្រជាជន (PSI Cambodia) កំពុងអនុវត្តគម្រោង “ទឹកនោមផ្អែមលើកុមារនៅកម្ពុជា (CDiC)” ពីឆ្នាំ២០២៣ ដល់ឆ្នាំ២០២៧ ដោយទទួលថវិកាពីក្រុមហ៊ុន Novo Nordisk ។ គោលបំណងទូទៅរបស់គម្រោងនេះ គឺដើម្បីលើកកម្ពស់ការថែទាំសុខភាពដល់កុមារដែលមានជំងឺទឹកនោមផ្អែមប្រភេទ១ និងជួយដល់កុមារទាំងនោះ ព្រមទាំងគ្រួសាររបស់គេ រស់នៅប្រកបដោយសុខុមាលភាព។ គម្រោងនេះផ្តោតទៅលើកុមារ និងវ័យជំទង់ ដែលមានអាយុរហូតដល់២៥ឆ្នាំ។
GEO FOCUS AREAS
សកម្មភាពរបស់គម្រោងធ្វើឡើងនៅក្នុងក្របខ័ណ្ឌជាតិ និងស្របទៅតាមអាទិភាព ដែលបានកំណត់ដោយក្រសួងសុខាភិបាល នៅក្នុងខេត្ត/ក្រុងដូចតទៅ៖
ភ្នំពេញ កំពត សៀមរាប ព្រៃវែង កំពង់ចាម បាត់ដំបង ឧត្ដរមានជ័យ ពោធិសាត់ តាកែវ បន្ទាយមានជ័យ និងត្បូងឃ្មុំ ។
គម្រោងនេះរួមបញ្ចូលសមាសធាតុមួយចំនួន ដែលផ្តោតលើការកែលម្អការព្យាបាល និងការថែទាំសុខភាព ទាក់ទងនឹងជំងឺទឹកនោមផ្អែមប្រភេទទី១ ចំពោះកុមារ។
សមាសធាតុទាំងនោះ រួមមាន:
- ការអប់រំអ្នកជំងឺ និងការស្វែងរកការគាំទ្រ
- ការបណ្តុះបណ្តាលអ្នកផ្តល់សេវាសុខភាព
- ជួយដល់ការផ្គត់ផ្គង់សម្ភារៈដល់គ្លីនិក និងបង្កើតបញ្ជីឈ្មោះអ្នកជំងឺ
- អាំងស៊ុយលីន និងសម្ភារៈវេជ្ជសាស្រ្ត (បើចាំបាច់)
