អង្គការអន្តរជាតិបំរើសុខភាពប្រជាជន (PSI) គឺជាអង្គការដែលមានឫសគល់នៅមូលដ្ឋាន និងការផ្សារភ្ជាប់ជាសាកល ដោយធ្វើការដើម្បីសម្រេចបាននូវសេវាថែទាំសុខភាពដែលជំរុញដោយអតិថិជន គឺប្រព័ន្ធសុខាភិបាលដែលផ្តោតទៅលើប្រជាជន និងដែលធានាបាននូវសេវាសុខភាពប្រកបដោយគុណភាព និងតម្លៃសមរម្យ នៅគ្រប់ពេលវេលានិងទីកន្លែង ដែលមានតម្រូវការ។
អង្គការ PSI ដែលមានប្រភពចេញពីផ្នែកសុខភាពផ្លូវភេទនិងបន្តពូជ បានរីកដុះដាលដោយគ្របដណ្តប់បេសកកម្មដ៏ទូលំទូលាយ។ សព្វថ្ងៃនេះ PSI ធ្វើការជាមួយវិស័យសាធារណៈ និងឯកជន ព្រមទាំងសហគមន៍មូលដ្ឋាន ដោយផ្តល់អាទិភាពដល់សម្លេងនិងជម្រើសរបស់ប្រជាជន និងបង្កើតដំណោះស្រាយដើម្បីបំពេញតម្រូវការសុខភាពសំខាន់ៗរបស់ពួកគេ។
អង្គការ PSI ចាប់ផ្តើមសកម្មភាពរបស់ខ្លួន នៅក្នុងប្រទេសកម្ពុជា តាំងពីឆ្នាំ១៩៩៣ ដោយធ្វើយុទ្ធនាការទីផ្សារសង្គម សម្រាប់ស្រោមអនាម័យ Number One ដែលជាម៉ាក នៅតែមានចំណែកទីផ្សារធំ ក្នុងប្រទេសកម្ពុជា។ មកដល់ពេលនេះ PSI កម្ពុជា បានពង្រីកសកម្មភាពរបស់ខ្លួន ដែលរួមមានការប្រយុទ្ធប្រឆាំងជំងឺអេដស៍ សុខភាពផ្លូវភេទ និងការពន្យារកំណើត ជំងឺរបេង គ្រុនចាញ់ ទឹកស្អាតនិងអនាម័យ និងអាហារូបត្ថម្ភ។
នៅក្នុងកម្មវិធីរបស់ខ្លួនជាច្រើន អង្គការ PSI សហការជាមួយរាជរដ្ឋាភិបាលកម្ពុជា ដើម្បីលើកកម្ពស់សុខភាពរបស់ប្រជាជនកម្ពុជាដែលមានប្រាក់ចំណូលទាប និងងាយរងគ្រោះ ដោយប្រើដំណោះស្រាយផ្នែកទីផ្សារដែលមានតម្លៃសមរម្យ។
គណៈគ្រប់គ្រងរបស់ PSI កម្ពុជា
ជី សុជាតិ
តំណាងប្រចាំប្រទេស
ប៉ែន មនោរម្យ
នាយិការងប្រចាំប្រទេស ទទួលបន្ទុកផ្នែកប្រតិបត្តិ (pmonorom@psi.org.kh)
ជីម ម៉ាលស្ទើរ
ប្រធានគម្រោងលើកកម្ពស់ឥរិយាបថប្រកបដោយសុខុមាលភាព PHB (jmalster@psi.org.kh)