វិធីការពារខ្លួនអ្នកពីកូវីដ-១៩
កូវីដ-១៩ គឺជាជំងឺឆ្លង ដោយការឆ្លងជាចំបងនោះ គឺតាមរយៈតំណក់តូចៗ ពីច្រមុះឬមាត់ នៅពេលដែលអ្នកមានជំងឺនេះក្អក កណ្តាស់ ឬនិយាយ។ តំណក់តូចៗនេះទៅប៉ះពាល់អ្នកដែលនៅក្បែរនោះ ឬទៅលើវត្ថុ ឬផ្ទៃនៃអ្វីមួយ។ វិធីដែលល្អបំផុតក្នុងការការពារមិនអោយឆ្លងជំងឺនេះ គឺត្រូវមានប្រតិបត្តិអនាម័យអោយបានត្រឹមត្រូវ និងរក្សាចំងាយពីអ្នកដទៃ។ ជាពិសេស នៅក្នុងអំឡុងពេលចូលឆ្នាំខ្មែរនេះ ទោះបីជារាជរដ្ឋាភិបាលកម្ពុជា បានប្រកាសផ្អាកពិធីបុណ្យចូលឆ្នាំថ្មីក៏ដោយ ក៏ប្រជាជនទាំងអស់ត្រូវបន្តការប្រុងប្រយ័ត្ន និងធ្វើតាមការណែនាំរបស់ក្រសួងសុខាភិបាល។
លាងដៃជាប្រចាំ ជាមួយសាប៊ូ និងទឹកស្អាត ឬទឹកអាកុល ឬអាកុលជែល
បើមានការជួបជុំ ទោះមានមនុស្សចូលរួមតិចក្តី ក៏ត្រូវរក្សាចម្ងាយពីគ្នាឲ្យបាន២ម៉ែត្រ និងពាក់ម៉ាស់ឲ្យបានត្រឹមត្រូវ
ខ្ទប់មាត់ច្រមុះ ពេលក្អកកណ្តាស់ ដោយប្រើកែងដៃ ក្រម៉ា ក្រដាសអនាម័យ រួចបោះចោលក្នុងធុងសំរាមបិទជិត
មិនត្រូវធ្វើការប្រមូលផ្តុំ និងប្រារព្ធពិធីសាសនា ឬការលេងល្បែងកំសាន្តផ្សេងៗឡើយ