ស្វែងយកករណីជំងឺគ្រុនចាញ់ចុងក្រោយ៖ វិធីសាស្ត្រសម្រាប់ការចូលរួមរបស់សហគមន៍និងវិស័យឯកជន ក្នុងការលុបបំបាត់ជំងឺគ្រុនចាញ់ ក្នុងប្រទេសវៀតណាម ឡាវ និងកម្ពុជា
ទោះបីជាមានការខិតខំប្រឹងប្រែងក្នុងការកាត់បន្ថយអត្រាជំងឺគ្រុនចាញ់នៅក្នុងប្រទេសអនុតំបន់ទន្លេមេគង្គក៏ដោយ ក៏ជំងឺនេះនៅមានក្នុងចំណោមក្រុមគោលដៅដែលពិបាកទំនាក់ទំនងដល់ ដូចជាអ្នកចូលព្រៃ និងអ្នកចំណាកស្រុក ដែលពួកគាត់ជួបឧបសគ្គក្នុងការទទួលបានសេវាការធ្វើរោគវិនិច្ឆ័យ និងព្យាបាល។ យុទ្ធសាស្ត្រក្នុងការលុបបំបាត់ជំងឺគ្រុនចាញ់ប្រចាំតំបន់ បានខិតខំដាក់បញ្ចូលវិស័យឯកជន និងសហគមន៍ក្នុងតំបន់ ក្នុងការលើកកម្ពស់ការតាមដាន ករណីជំងឺគ្រុនចាញ់ នៅតំបន់ដាច់ស្រយាល។ ទោះជាយ៉ាងណាក៏ដោយ សំនួរនៅតែមាន ថាតើយុទ្ធសាស្ត្រទាំងនេះ អាចទៅដល់ប្រជាជនឆ្ងាយៗ និងមានប្រសិទ្ធិភាពក្នុងការកាត់បន្ថយករណីជំងឺគ្រុនចាញ់ឬទេ។ ឯកសារនេះវាយតំលៃយុទ្ធសាស្ត្រសហគមន៍ និងការចូលរួមនៃវិស័យឯកជន ក្នងុគម្រោងលុបបំបាត់ជំងឺគ្រុនចាញ់ ក្នុងប្រទេសវៀតណាម ឡាវ និងកម្ពុជា។