អ្នកភូមិក្នុងខេត្តកំពង់ឆ្នាំងរួមចំណែកបង្កើតសម្ភារៈអប់រំដើម្បីផ្សព្វផ្សាយអំពីការពន្យារកំណើត
នៅក្នុងខែធ្នូ ឆ្នាំ២០១៩ ក្រុមការងាររបស់គម្រោងលើកកម្ពស់ឥរិយាបថប្រកបដោយសុខុមាលភាព (PHB) បានជួបជាមួយអ្នកភូមិព្រែកខ្មែរ ដែលស្ថិតនៅជិតទីរួមខេត្ត ហើយពិភាក្សាជាមួយពួកគាត់អំពីមធ្យោបាយពន្យារកំណើត។ គោលបំណងនៃការជួបពិភាក្សានោះ គឺលើសពីការនិយាយគ្នាអំពីមធ្យោបាយផ្សេងៗ នៃការពន្យារកំណើត នោះទៀត។
ក្រុមការងារ PHB បានបង្កើតសម្ភារៈគំរូ ដើម្បីបង្ហាញអំពីភាពខុសគ្នានៃមធ្យោបាយពន្យារកំណើតនិមួយៗ ដើម្បីជួយអោយគូស្វាមីភរិយាសម្រេចចិត្តក្នុងការជ្រើសរើសយកមធ្យោបាយមួយណាដេលសាកសមបំផុតសម្រាប់ពួកគាត់។ ក្រៅពីនោះ វាក៏បង្កជាបរិយាកាសល្អ ដែលងាយស្រួលដល់ពួកគាត់ ក្នុងការនិយាយអំពីមធ្យោបាយពន្យារកំណើតផងដែរ។
នៅតំបន់ជនបទនៃប្រទេសកម្ពុជា មិនមានភាពងាយស្រួលក្នុងការទទួលបានព័ត៌មានទេ ហើយព័ត៌មានដែលទទួលបាន ក៏អាចជាព័ត៌មានដែលមិនពិតប្រាកដ។ ដូចច្នេះការធ្វើសកម្មភាពផ្តល់ព័ត៌មាន ជាឱកាសសំខាន់ក្នុងការអោយបុរសនិងស្រ្តីបានចូលរួម ក្នុងឱកាសមួយប្រកបដោយសុវត្ថិភាពនិងបើកចំហ ក្នុងការទទួលបានព័ត៌មានត្រឹមត្រូវ ដើម្បីអាចអោយពួកគាត់ធ្វើការសម្រេចចិត្តសម្រាប់ខ្លួនឯង។
ការធ្វើសកម្មភាពផ្តល់ព័ត៌មាន ជាឱកាសសំខាន់ក្នុងការអោយបុរសនិងស្រ្តីបានចូលរួម ក្នុងឱកាសមួយប្រកបដោយសុវត្ថិភាពនិងបើកចំហ ក្នុងការទទួលបានព័ត៌មានត្រឹមត្រូវ ដើម្បីអាចអោយពួកគាត់ធ្វើការសម្រេចចិត្តសម្រាប់ខ្លួនឯង។
សម្ភារៈអប់រំដែលបានបង្កើត បានយកទៅបង្ហាញសាកល្បងនៅខេត្តកំពង់ឆ្នាំង ជាមួយអ្នកភូមិ ជាច្រើនក្រុម មានដូចជាគ្រួសារដែលមិនបានប្រើមធ្យោបាយពន្យារកំណើតទំនើប និងជួបជាមួយក្រុមបុរស និងស្ត្រី ផ្សេងគ្នា។ ការជួបជាមួយក្រុមផ្សេងៗគ្នាដូចច្នេះ ធ្វើអោយក្រុមការងារ PHB យើងអាចជ្រើសយកសម្ភារៈណាមួយដែលមានប្រសិទ្ធិភាពបំផុត ដើម្បីយកទៅប្រើក្នុងការផ្សព្វផ្សាយ និងបង្រៀន អំពីការពន្យារកំណើត។ បុរសនិងស្ត្រីដែលកុមការងារ PHB បានជួប មានតួនាទិយ៉ាងសំខាន់ សម្រាប់អនាគតនៃការពន្យារកំណើតនៅតាមមណ្ឌលសុខភាព បុគ្គលិកសុខាភិបាល និងសង្គម។