សម្ភារនៃកម្មវិធីការចូលរួមនៃវិស័យឯកជន ក្នុងការព្យាបាលជំងឺគ្រុនចាញ់
រវាងពីឆ្នាំ២០១៦ និង២០១៩ អង្គការអន្តរជាតិបំរើសុខភាពប្រជាជន (PSI) បានទទួលថវិកាពីមូលនិធិ Bill and Melinda Gates Foundation ដើម្បីអនុវត្តគម្រោងលុបបំបាត់ជំងឺគ្រុនចាញ់ក្នុងមហាអនុតំបន់ទន្លេមេគង្គតាមរយៈប្រព័ន្ធអង្កេតតាមដាន (GEMS) ក្នុងប្រទេសកម្ពុជា ឡាវ ភូមា និងវៀតណាម។ គោលបំណងចំបងនៃគម្រោងនេះ គឺដើម្បីបង្កើនការចូលរួមនៃវិស័យឯកជន ក្នុងការស្រាវជ្រាវរកជំងឺ ព្យាបាល និងរាយការណ៍ យោងទៅតាមគោលនយោបាយជាតិ។
សម្ភារនេះរួមមាន គោលការណ៍ប្រតិបត្តិស្តង់ដា (SOP) បទពិសោធន៍ជោគជ័យ និងមរៀនដែលទទួលបាន នៅពេលបញ្ចូលវិស័យឯកជន ក្នុងការអនុវត្តការគ្រប់គ្រងជំងឺគ្រុនចាញ់ ប្រកបដោយគុណភាព។ ឯកសារនេះផ្តោតទៅលើ ការអនុវត្តកម្មវិធីសុខភាព ការត្រួតពិនិត្យគុណភាពនៃការព្យាបាលជំងឺគ្រុនចាញ់ ការតាមដាន ការគ្រប់គ្រងខ្សែចង្វាក់ផ្គត់ផ្គង់ ការចូលរួមរបស់សហគមន៍ និងការតាមដានទិន្នន័យ។