PSI បង្ហាញអំពីការច្នៃប្រឌិតរបស់ខ្លួន ក្នុងកម្មវិធី CSEF ២០១៩
ទោះបីជាមេឃក្តៅយ៉ាងណា ក៏កម្មវិធីមហោស្រពជាតិស្តីពីវិទ្យាសាស្ត្រនិងវិស្វកម្ម (CSEF) បានទទួលអ្នកចូលទស្សនាជាច្រើនកុះករ ជាពិសេសប្អូនៗសិស្សនិងនិស្សិត។ ដោយទទួលបានការអញ្ចើញអោយចូលរួមពី USAID អង្គការ PSI បានមានវត្តមាននៅក្នុងកម្មវិធីនោះ ដែលធ្វើឡើងពីថ្ងៃទី២១ ដល់២៣ ខែកុម្ភៈ ឆ្នាំ២០១៩ ដើម្បីបង្ហាញអំពីកម្មវិធីរបស់ខ្លួន និងឆ្លើយសំនួរពីសំណាក់អ្នកចូលរួម អំពីកម្មវិធីប្រកបដោយការច្នៃប្រឌិតរបស់យើង។
នេះគឺជាឆ្នាំទី៥ហើយ ដែល CSEF ត្រូវបានរៀបចំឡើង ដោយទាក់ទាញអ្នកចូលរួមជាង៣ម៉ីននាក់ ដែលចង់ស្វែងយល់អំពីគម្រោងវិទ្យាសាស្ត្រនិងបច្ចេកវិទ្យាការដាក់តាំងបង្ហាញ និងល្បែងច្នៃប្រឌិតនានា ជាច្រើនទៀត ដែលនាំមកជូនដោយអង្គការមិនស្វែងរកប្រាក់ចំណេញ និងក្រុមហ៊ុននានា។ ស្តង់របស់ PSI បានទទួលអ្នកទស្សនាជាង១៣០នាក់ មានទាំងសិស្សនិស្សិត មាតាបិតារបស់ពួកគេ បញ្ញាវន្ត ព្រមទាំងភ្ញៀវកិត្តិយស ដូចជាលោក Michael Newbill ភារធារីរបស់ស្ថានទូតអាមេរិក និងលោកស្រី Veena Reddy អនុប្រធានទីភ្នាក់ងារ USAID ។
PSI បានដាក់បង្ហាញកម្មវិធីទូរស័ព្ទ ដែលបានជួយដល់ការងាររបស់ខ្លួន ក្នុងការសម្រេចចិត្ត្ និងបម្រើអតិថិជន ដោយរួមមាន៖
-
- District Health Information Software 2 (DHIS2) ជាប្រព័ន្ធសម្រាប់អ្នកប្រើប្រាស់ជាជាងគ្រាន់តែជាប្រព័ន្ធសម្រាប់ស្តុកទិន្នន័យ។ វាត្រូវបានគេប្រើដើម្បីផ្តល់ទិន្នន័យទាន់ពេលសម្រាប់ធ្វើការសម្រេចចិត្តផ្សេងៗ។
- Health Network Quality Improvement System (HNQIS) application ត្រូវបានប្រើដើម្បីធ្វើអោយគុណភាពសេវាកម្មសុខភាពដែលផ្តល់ដោយសមាជិកបណ្តាញរបស់ PSI (អ្នកទទួលសិទ្ធិផ្តល់សេវាសុខភាព “បន្ទប់ពិគ្រោះជម្ងឺសញ្ញាព្រះអាទិត្យ” បណ្តាញគ្លីនិកឯកជន ។ល។) អោយកាន់តែប្រសើរឡើង តាមរយៈការចុះអភិបាលកិច្ច។
- កម្មវិធីគ្រប់គ្រងប្រតិបត្តិការលក់ Sale Mobile application ត្រូវបានប្រើដើម្បីគ្រប់គ្រងស្តុក និងទូរទាត់ការលក់។
- កម្មវិធីបញ្ជូនអតិថិជន Referral Application ត្រូវបានប្រើដើម្បីគ្រប់គ្រងការបញ្ជូននិងតាមដានអតិថិជន ចាប់តាំងពីការមកទទួលផលិតផលនៅឱសថស្ថាន និងរហូតដល់ការទទួលសេវាសុខភាពនៅបណ្តាញអ្នកផ្តល់សេវាសុខភាព។
ថតរូបជាមួយអ្នកចូលរួមទស្សនាពិព័រណ៍
ជូនរង្វាន់ដល់អ្នកឈ្នះល្បែង Kahoot! នៅស្តង់របស់ PSI
