សិក្ខាសាលាសហបង្កើតនៃវេទិកាផ្លាស់ប្តូរឥរិយាបថនិងសង្គម ជាមួយ មជ្ឈមណ្ឌលជាតិលើកកម្ពស់សុខភាព
គម្រោងលើកកម្ពស់ឥរិយាបថប្រកបដោយសុខមាលភាព (PHB) របស់USAID បានធ្វើការជាដៃគូយ៉ាងស្និទស្នាលជាមួយរាជរដ្ឋាភិបាលកម្ពុជា ជាពិសេសជាមួយមជ្ឈមណ្ឌលជាតិលើកកម្ពស់សុខភាព (NCHP) ។ គោលដៅនៃការសហការគ្នានេះ គឺដើម្បីអោយគម្រោង PHB អាចជួយពង្រឹងសមត្ថភាពរបស់ NCHP និងដើម្បីអាចអោយ NCHP ក្លាយទៅជាអ្នកនាំមុខនៅក្នុងការងារផ្នែកផ្លាស់ប្តូរឥរិយាបថនិងសង្គមនៅកម្ពុជា។
ថ្មីៗនេះ គម្រោង PHB និង NCHP បានជួបជុំគ្នា ក្នុងសិក្ខាសាលាសហបង្កើតមួយដើម្បីសហការនិងប្រមូលគំនិតសម្រាប់ការរៀបចំអោយមានវេទិកាផ្លាស់ប្តូរឥរិយាបថនិងសង្គម នៅថ្ងៃអនាគត។ បុគ្គលិក NCHP ចំនួន៨ រូប បានចូលរួមដោយក្នុងនោះក៏មានវេជ្ជ.ឡាក់ ឡេង នាយករងនៃមជ្ឈមណ្ឌលជាតិលើកកម្ពស់សុខភាព និងតំណាងម្នាក់ពីUSAID ផងដែរ។
“សិក្ខាសាលានេះបានផ្តល់អោយលោកស្រីនូវការយល់ឃើញប្រកបដោយភាពច្នៃប្រឌិត ដែលបំផុសនូវគំនិតថ្មីៗ សម្រាប់រៀបចំវេទិកាផ្លាស់ប្តុរឥរិយាបថនិងសង្គមមួយដែលមិនអាចបំភ្លេចបាន។” — លោកស្រី ស៊ិន ហ្វានីតា អនុប្រធានផ្នែកថ្នាំជក់ និងសុខភាព នៃមជ្ឈមណ្ឌលជាតិលើកកម្ពស់សុខភាព
សិក្ខាសាលានេះបានធ្វើឡើងនៅសណ្ឋាគារ Sunway ដោយមានការចូលរួមផ្តល់គំនិតល្អៗ យ៉ាងសស្រាក់សស្រាំ។ សិក្ខាសាលានេះមានរយៈពេលកន្លះថ្ងៃ ដោយមានការពិភាក្សាអំពីការធ្វើយ៉ាងណាដើម្បីបង្កើតវេទិកាផ្លាស់ប្តូរឥរិយាបថនិងសង្គម អោយបានជោគជ័យ។ លោកស្រី ស៊ិន ហ្វានីតា អនុប្រធានផ្នែកថ្នាំជក់ និងសុខភាព នៃមជ្ឈមណ្ឌលជាតិលើកកម្ពស់សុខភាព បានមានប្រសាសន៍ថាសិក្ខាសាលានេះបានផ្តល់អោយលោកស្រីនូវការយល់ឃើញប្រកបដោយភាពច្នៃប្រឌិត ដែលបំផុសនូវគំនិតថ្មីៗ សម្រាប់រៀបចំវេទិកាផ្លាស់ប្តុរឥរិយាបថនិងសង្គមមួយដែលមិនអាចបំភ្លេចបាន។
សិក្ខាសាលានេះមានភាពជោគជ័យក្នុងការធ្វើអោយមានការចូលរួមបង្កើតគំនិតថ្មី។ គម្រោងPHB និង NCHP និងបន្តធ្វើការសហការគ្នាតទៅមុខទៀត ហើយគម្រោង PHB និងបន្តជួយផ្នែកបង្កើនសមត្ថភាពដល់ NCHP ។ អនាគតនៃវិស័យផ្លាស់ប្តូរឥរិយាបថនិងសង្គម (SBC) មានភាពភ្លឺស្វាង ដោយមានការត្រួសត្រាយពីសំណាក់ NCHP ។