សមាជិក SQHN សិក្សាពីវិធីគ្រប់គ្រងជំនួញផ្នែកសុខភាព អោយមានប្រសិទ្ធិភាព
សមាជិកបណ្តាញបន្ទប់ពិគ្រោះព្យាបាលជំងឺសញ្ញាព្រះអាទិត្យ (SQHN) ចំនួន៥១នាក់ បានបង្កើនជំនាញនិងចំណេះដឹងរបស់ខ្លួន ដើម្បីធ្វើអោយមុខជំនួញរបស់ខ្លួនកាន់តែរីកចំរើនឡើង។ នេះជាផ្នែកមួយនៃកម្មវិធីមគ្គទេសក៍និងហ្វឹកហ្វឺនផ្នែកជំនួញ ដែលជាការសហការរវាងអង្គការ PSI និង SHE ដែលជាសហគ្រាសសង្គម បង្កើតឡើងដើម្បីលើកកម្ពស់សហគ្រិនស្ត្រីនៅកម្ពុជា។
វគ្គបណ្តុះបណ្តាលនេះមានរយៈពេល១០ថ្ងៃ និងធ្វើឡើងនៅទីក្រុងភ្នំពេញ និងបាត់តំបង ដោយផ្តោតសំខាន់លើឧបសគ្គដែលស្ត្រីកម្ពុជាតែងជួប នៅពេលដែលពួកគាត់គ្រប់គ្រងនិងចង់ពង្រីកសហគ្រាសខ្នាតតូចរបស់ខ្លួន ដោយក្នុងនោះមានទាំងសម្ពាធពីគ្រួសារ និងការខ្វះខាតជំនាញជាដើម។ ការហ្វឹកហ្វឺននេះ ក៏រួមបញ្ចូលកម្មវិធីមគ្គទេសក៍ ដោយសិក្ខាកាមមានឱកាសផ្តល់ការណែនាំគ្នាទៅវិញទៅមក។
លោកស្រីសោភា ដែលជាសិក្ខាកាមម្នាក់ ដែលមានមុខរបរផ្នែកសេវាសុខភាព បានចាប់ផ្តើមប្រើប្រាស់បញ្ជីគណនេយ្យ បន្ទាប់ពីចេះជំនាញនេះ តាមរយៈវគ្គបណ្តុះបណ្តាលនេះ ដែលធ្វើអោយមុខរបររបស់គាត់មានដំណើរការទៅរលូន ដោយមានការគ្រប់គ្រងថិវិកាត្រឹមត្រូវ។ គ្រួសាររបស់លោកស្រី ក៏មានការជឿជាក់ជាងមុន ដោយសារមានការគ្រប់គ្រងប្រាក់សន្សំ នៅក្នុងពេលគ្រាមានមានអាសន្ន និងនៅពេលមានការចំណាយកើនឡើង។
វគ្គបណ្តុះបណ្តាលនេះជាផ្នែកមួយនៃបេសកកម្មរបស់ PSI ដែលផ្តោតលើការប្រើប្រាស់អំណាចនៃវិស័យឯកជន ដើម្បីបង្កើតការទទួលបានសេវាសុខភាពដែលមានគុណភាព ដោយផ្តោតលើការធ្វើអោយប្រសើរឡើងនៃសុខភាពបន្តពូជ។
SQHN is បណ្តាញអ្នកផ្តល់សេវាសុខភាព ដែលមានផ្តល់សេវា ការផ្តល់ប្រឹក្សា និងផលិតផល ផ្នែកពន្យារកំណើត សម្រាប់ប្រជាជនដែលមានប្រាក់ចំណូលទាប។
